आरोग्य

आरोग्यसेवा क्षेत्रातील योगदान

आरोग्य क्षेत्रात कार्य करताना गरजू आणि आर्थिकदृष्ट्या दुर्बल रुग्णांना दिलासा मिळावा या उद्देशाने मुख्यमंत्री सहायता निधीच्या माध्यमातून ₹५ कोटींपेक्षा अधिक आर्थिक सहाय्य उपलब्ध करून देण्यात आले आहे. या माध्यमातून अनेक गंभीर आजारांवरील उपचार, शस्त्रक्रिया आणि आपत्कालीन वैद्यकीय मदतीसाठी रुग्णांना मोठा आधार मिळाला आहे.

तसेच राज्य शासनाच्या महात्मा फुले जन आरोग्य योजना आणि विविध धर्मादाय उपक्रमांच्या माध्यमातून अनेक गरजू रुग्णांना मोफत किंवा सवलतीच्या दरात वैद्यकीय उपचार व शस्त्रक्रिया उपलब्ध करून देण्यात आल्या आहेत. आर्थिक अडचणींमुळे उपचारांपासून वंचित राहणाऱ्या नागरिकांसाठी हे उपक्रम जीवनदायी ठरत आहेत.

दिव्यांग आणि शारीरिक अडचणींनी ग्रस्त व्यक्तींसाठीही विशेष कार्य करण्यात आले आहे. हात-पाय गमावलेल्या व्यक्ती, पोलिओग्रस्त रुग्ण तसेच गँग्रीन आणि मधुमेहामुळे पायांच्या गंभीर समस्यांनी त्रस्त असलेल्या गरजू नागरिकांना मोफत मॉड्युलर कृत्रिम हात आणि पाय वितरित करण्यात आले आहेत. या उपक्रमामुळे अनेकांना नव्याने आत्मविश्वास आणि स्वावलंबन प्राप्त झाले आहे.

याशिवाय समाजात प्रतिबंधात्मक आणि सुलभ आरोग्यसेवा पोहोचवण्यासाठी दरवर्षी भव्य मेगा आरोग्य शिबिरांचे आयोजन केले जाते. या शिबिरांमध्ये हृदय व मूत्रपिंड तपासणी, नेत्र तपासणी व मोफत चष्म्यांचे वितरण, स्त्रीरोग सल्लामसलत, ईएनटी (कान, नाक आणि घसा) तपासणी, हाडे व दंत तपासणी तसेच आवश्यक औषधांचे मोफत वितरण अशा विविध आरोग्यसेवा नागरिकांना उपलब्ध करून दिल्या जातात. या उपक्रमांमुळे हजारो नागरिकांना वेळेवर वैद्यकीय सल्ला, तपासणी आणि उपचार मिळून आरोग्याबाबत जनजागृती निर्माण होत आहे.